ഞായറാഴ്ച രാത്രി പത്തരയോടെയാണ് അപകടമുണ്ടായത്. ഇരുവരും സഞ്ചരിച്ചിരുന്ന മോട്ടോർ സൈക്കിൾ മറ്റൊരു ബൈക്കുമായി കൂട്ടിയിടിക്കുകയായിരുന്നു. അപകടത്തിൽ ഗുരുതരമായി പരിക്കേറ്റ രണ്ടുപേരെയും ഉടൻ തന്നെ കോഴിക്കോട് മെഡിക്കൽ കോളേജ് ആശുപത്രിയിൽ പ്രവേശിപ്പിച്ചെങ്കിലും രാത്രി 12:15-ഓടെ റിജോൺ മരണത്തിന് കീഴടങ്ങുകയായിരുന്നു.

കഴിഞ്ഞ ദിവസമാണ് വരാനിരിക്കുന്ന സൂപ്പർ ലീഗ് കേരള ടൂർണമെന്റിനായി കാലിക്കറ്റ് എഫ്.സി തങ്ങളുടെ ടീമിനെ പ്രഖ്യാപിച്ചത്. ജെ.ഡി.ടി ഗ്രൗണ്ടിൽ ടീമിന്റെ പരിശീലന ക്യാമ്പ് സജീവമായി നടന്നു വരുന്നതിനിടെയാണ് റിജോൺ ജോസിന്റെ വിയോഗം. പരിക്കേറ്റ ഗനി അഹമ്മദ് തീവ്രപരിചരണ വിഭാഗത്തിൽ ചികിത്സയിലാണ്.