ജൂ‍ഡ് ബെല്ലിം​ഗ്​ഹാമിന്റെ പോരാട്ടത്തിൽ രണ്ട് ​ഗോളുകൾ പിറന്നു. നേര്‍വേയ്ക്ക് വേണ്ടി ആന്‍ഡ്രിയാസ് ഷെല്‍ഡെറൂപാണ് ​ഗോൾ നേടിയത്. മത്സരത്തിന്റെ ആദ്യ പകുതി അവസാനിക്കാനിരിക്കെ ആൻഡ്രിയാസ് ഷെൽഡെറൂപ്പിന്റെ ക്രോസ് ഗോൾമുഖത്തേക്ക് നേരിട്ട് കയറിപ്പോയതോടെ നോർവെ ലീഡ് നേടി. ഇംഗ്ലണ്ട് സമ്മർദത്തിലായെങ്കിലും ബെല്ലിം​ഗ്ഹാം മനോഹരമായ സമനില ഗോൾ നേടി ടീമിനെ മത്സരത്തിലേക്ക് തിരിച്ചുകൊണ്ടുവരികയായിരുന്നു.

രണ്ടാം പകുതിയിൽ നോർവെയായിരുന്നു കൂടുതൽ ശക്തമായ പ്രകടനം കാഴ്ചവച്ചത്. മത്സരം കൈവിട്ടുപോകുമെന്ന ആശങ്ക ഉയർന്നെങ്കിലും അധികസമയത്തിന്റെ തുടക്കത്തിൽ തന്നെ വീണ്ടും ബെല്ലിം​ഗ്ഹാം രക്ഷകനായെത്തി. മോർഗൻ റോജേഴ്‌സിന്റെ ഷോട്ട് ഗോൾകീപ്പർ ഓർജൻ ഹാസ്ക്യോൾഡ് നൈലാൻഡ് കൈവിട്ടപ്പോൾ ലഭിച്ച അവസരം ബെല്ലിം​ഗ്ഹാം അനായാസം വലയിലാക്കി ഇംഗ്ലണ്ടിന് ലീഡ് സമ്മാനിച്ചു.

ഈ ഗോളോടെ ടൂർണമെന്റിൽ ബെല്ലിം​ഗ്ഹാമിന്റെ ഗോൾ നേട്ടം ആറിലെത്തി. ഗോൾഡൻ ബൂട്ട് പോരാട്ടത്തിലും ടൂർണമെന്റിലെ മികച്ച താരത്തിനുള്ള മത്സരത്തിലും അദ്ദേഹം ശക്തമായ സാന്നിധ്യമായി മാറി. ഇംഗ്ലണ്ടിനെ ലോകകപ്പ് സെമിഫൈനലിലേക്ക് നയിച്ച നായകനെന്ന വിശേഷണവും ബെല്ലിം​ഗ്ഹാം സ്വന്തമാക്കി.

ഈ ലോകകപ്പ് മത്സരത്തിൽ എടുത്തുപറയേണ്ടത് നോർവെയുടെ പ്രകടനമായിരുന്നു. ഏറ്റവും കൂടുതൽ ആരാധകാവൃന്ദമുള്ളതും മികച്ച കളിക്കാരുമുള്ളതുമായ അർജന്റീന ടീമിനെ വിറപ്പിച്ചവർ കൂടിയാണ് നോർവെ. ചരിത്രത്തിലെ ആദ്യ ലോകകപ്പ് ക്വാർട്ടർ ഫൈനൽ കളിച്ച നോർവെ അവസാന നിമിഷംവരെ ശക്തമായി പോരാടി.