211 റൺസ് വിജയലക്ഷ്യം പിന്തുടർന്ന ഡൽഹിക്ക് അവസാന രണ്ട് പന്തിൽ ജയിക്കാൻ രണ്ട് റൺസ് മാത്രമായിരുന്നു വേണ്ടിയിരുന്നത്. എന്നാൽ ഡേവിഡ് മില്ലറുടെ ഭാഗത്തുനിന്നുണ്ടായ പിഴവ് മത്സരഫലത്തിൽ നിർണായകമായി. പ്രസിദ്ധ് കൃഷ്ണ എറിഞ്ഞ ഇരുപതാം ഓവറിലെ അഞ്ചാം പന്തിൽ സിംഗിൾ എടുക്കാൻ മില്ലർ തയ്യാറായില്ല. അവസാന പന്തിൽ റൺ നേടാൻ ശ്രമിക്കുന്നതിനിടെ കുൽദീപ് യാദവ് റണ്ണൗട്ടായതോടെ ഡൽഹി ഹൃദയഭേദകമായ പരാജയം ഏറ്റുവാങ്ങി.

നേരത്തെ ആദ്യം ബാറ്റ് ചെയ്ത ഗുജറാത്തിനായി നായകൻ ശുഭ്മൻ ഗിൽ 45 പന്തിൽ 70 റൺസെടുത്തു. ജോസ് ബട്‌ലർ (27 പന്തിൽ 52), വാഷിംഗ്ടൺ സുന്ദർ (55) എന്നിവരുടെ വെടിക്കെട്ട് ബാറ്റിംഗ് കൂടിയായപ്പോൾ ഗുജറാത്ത് 20 ഓവറിൽ 4 വിക്കറ്റ് നഷ്ടത്തിൽ 210 റൺസെന്ന കൂറ്റൻ സ്കോർ പടുത്തുയർത്തി. ഡൽഹിക്ക് വേണ്ടി മുകേഷ് കുമാർ രണ്ട് വിക്കറ്റും ലുങ്കി എൻഗിഡി ഒരു വിക്കറ്റും വീഴ്ത്തി.

മറുപടി ബാറ്റിംഗിൽ ഡൽഹിക്ക് വേണ്ടി കെ എൽ രാഹുൽ (52 പന്തിൽ 92) നങ്കൂരമിട്ട് കളിച്ചു. ഓപ്പണർ പാതും നിസ്സങ്കയുമായി (41) ചേർന്ന് 76 റൺസിന്റെ കൂട്ടുകെട്ടുണ്ടാക്കാനും രാഹുലിനായി. ഇടവേളകളിൽ വിക്കറ്റുകൾ വീണത് ഡൽഹിയുടെ വേഗത കുറച്ചെങ്കിലും മില്ലറുടെ ഇന്നിംഗ്സ് (പുറത്താവാതെ 41) അവരെ വിജയത്തിന് തൊട്ടടുത്തെത്തിച്ചിരുന്നു.

ഗുജറാത്തിന് വേണ്ടി പന്തെറിഞ്ഞ റാഷിദ് ഖാൻ നാലോവറിൽ വെറും 17 റൺസ് മാത്രം വഴങ്ങി മൂന്ന് വിക്കറ്റുകൾ വീഴ്ത്തി വിജയത്തിൽ നിർണ്ണായക പങ്കുവഹിച്ചു.

Summary: In a heart-stopping IPL 2026 encounter at Delhi, Gujarat Titans (GT) clinched a nail-biting 1-run victory over Delhi Capitals (DC). Despite a masterclass innings from KL Rahul and a late charge by David Miller, Delhi fell agonizingly short on the final ball. Batting first, Gujarat posted a formidable 210/4. Captain Shubman Gill led the charge with a fluent 70, supported by explosive half-centuries from Jos Buttler (52) and Washington Sundar (55). Chasing 211, DC opener KL Rahul anchored the innings with a brilliant 92 off 52 balls. He shared a solid 76-run opening stand with Pathum Nissanka (41) to keep Delhi in the hunt.