ഈ അഞ്ച് സിക്സറുകളോടെ ടി20 ക്രിക്കറ്റിൽ 600 സിക്സറുകൾ തികയ്ക്കുന്ന വെസ്റ്റ് ഇൻഡീസുകാരനല്ലാത്ത ആദ്യ താരം എന്ന ചരിത്ര നേട്ടം ബട്ട്‌ലർ സ്വന്തമാക്കി. ഇതിനുമുമ്പ് നാല് താരങ്ങൾ 600ലധികം സിക്സറുകൾ നേടിയിട്ടുണ്ടെങ്കിലും അവരെല്ലാവരും വെസ്റ്റ് ഇൻഡീസുകാരായിരുന്നു.

ടി20യിൽ ഏറ്റവും കൂടുതൽ സിക്സറുകൾ നേടിയ താരങ്ങൾ

ടി20യിൽ ഏറ്റവും കൂടുതൽ സിക്സറുകൾ എന്ന ലോകറെക്കോർഡ് മുൻ വെസ്റ്റ് ഇൻഡീസ് നായകൻ ക്രിസ് ഗെയ്ലിന്റെ പേരിലാണ് (1056 സിക്സറുകൾ). 1000-ലധികം സിക്സറുകൾ നേടിയ ഏക താരവും ഇദ്ദേഹമാണ്.

നിലവിൽ മുംബൈ ഇന്ത്യൻസിന്റെ ബോളിംഗ് കോച്ചായ കീറോൺ പൊള്ളാർഡ് 982 സിക്സറുകളുമായി രണ്ടാം സ്ഥാനത്തുണ്ട്. കെകെആറിന്റെ പവർ കോച്ചായ ആന്ദ്രെ റസൽ (784), നിക്കോളാസ് പൂരൻ (712) എന്നിവരാണ് തൊട്ടുപിന്നിൽ.

വെസ്റ്റ് ഇൻഡീസിന് പുറത്തുള്ള ബാറ്റർമാരുടെ പട്ടികയിൽ ബട്ട്ലർക്ക് പിന്നാലെ അലക്സ് ഹെയ്ൽസ് (595), കോളിൻ മൺറോ (582), ഗ്ലെൻ മാക്സ്വെൽ (571), രോഹിത് ശർമ്മ (554), ഡേവിഡ് മില്ലർ (541) എന്നിവരാണുള്ളത്.

2022-ൽ ഇംഗ്ലണ്ടിന് ടി20 ലോകകപ്പ് കിരീടം നേടിക്കൊടുത്ത നായകനായ ബട്ട്‌ലർ, ഇംഗ്ലണ്ടിനായി 155 ടി20 ഐ മത്സരങ്ങളിൽ നിന്ന് 175 സിക്സറുകളും ഐപിഎല്ലിൽ 124 മത്സരങ്ങളിൽ നിന്നായി 192 സിക്സറുകളും നേടിയിട്ടുണ്ട്.

Summary: England star Jos Buttler achieved a monumental milestone during the IPL 2026 match between Gujarat Titans and Delhi Capitals at the Arun Jaitley Stadium. By hitting five sixes during his explosive innings for Gujarat Titans, Buttler became the first non-West Indian cricketer to reach 600 sixes in T20 cricket. Buttler joins an exclusive list previously dominated entirely by Caribbean power-hitters: Chris Gayle (1,056), Kieron Pollard (982), Andre Russell (784), and Nicholas Pooran (712).