പരിക്കിനെ തുടർന്ന് മെസ്സി ആദ്യ ഇലവനിൽ കളിക്കുന്ന കാര്യം സംശയത്തിലായിരുന്നു. എന്നാൽ താരത്തെ ആദ്യമേ തന്നെ കളത്തിലിറക്കാനുള്ള കോച്ചിന്റെ തീരുമാനം മാസ്റ്റർസ്ട്രോക്കായി മാറി. റോഡ്രിഗോ ഡി പോളിന്റെ മികച്ചൊരു പാസിൽ നിന്ന് ബോക്സിന് തൊട്ടുപുറത്തുനിന്നുള്ള മെസ്സിയുടെ ആദ്യ ഷോട്ട് അൾജീരിയൻ ഗോൾകീപ്പർ ലൂക്കാ സിദാനെ മറികടന്ന് വലയിലെത്തി. കളിയിലുടനീളം തകർപ്പൻ ഫോം തുടർന്ന മെസ്സി പിന്നീട് രണ്ട് ഗോളുകൾ കൂടി നേടി തന്റെ ലോകകപ്പ് കരിയറിലെ ആദ്യ ഹാട്രിക് പൂർത്തിയാക്കുകയായിരുന്നു.

മത്സരത്തിന്റെ ആറാം മിനിറ്റിൽ മെസ്സി വലകുലുക്കിയെങ്കിലും റഫറി അത് ഓഫ്‌സൈഡ് വിളിച്ചിരുന്നു. ഇതിഹാസ താരം ക്രിസ്റ്റ്യാനോ റൊണാൾഡോയ്ക്ക് പിന്നാലെ അഞ്ച് വ്യത്യസ്ത ലോകകപ്പുകളിൽ ഗോൾ നേടുന്ന രണ്ടാമത്തെ പുരുഷ താരമെന്ന റെക്കോർഡും മെസ്സി ഈ മത്സരത്തോടെ സ്വന്തമാക്കി.

മെസി ഇതോടെ ലോകകപ്പിലെ ഏറ്റവും കൂടുതൽ ഗോൾ നേടിയ ജർമ്മനിയുടെ മിറോസ്ലോ ക്ലോസയുടെ ( Miroslav Klose) റെക്കോർഡിനൊപ്പം എത്തി.

ലോകകപ്പുകളിൽ മെസ്സിയുടെ ഗോൾവേട്ട

ആകെ 16 ഗോളുകൾ