2008-ലെ കുപ്രസിദ്ധമായ ഐപിഎൽ “സ്ലാപ്ഗേറ്റ്” (Slapgate) സംഭവത്തെ പരിഹസിക്കുന്ന രീതിയിലുള്ള ഒരു പരസ്യത്തിൽ ഏതാനും മാസങ്ങൾക്ക് മുൻപ് ഹർഭജൻ അഭിനയിച്ചിരുന്നു. ഐപിഎല്ലിലെ ഒരു മത്സരത്തിന് ശേഷം ഹർഭജൻ സിംഗ് ശ്രീശാന്തിന്റെ കരണത്തടിച്ചതായിരുന്നു “സ്ലാപ്ഗേറ്റ്” വിവാദം. ഇതിനെത്തുടർന്ന് ബിസിസിഐ ഹർഭജനെ നിരവധി മത്സരങ്ങളിൽ നിന്ന് സസ്പെൻഡ് ചെയ്തിരുന്നു. വർഷങ്ങൾ കടന്നുപോയതോടെ ഇരുവരും ആ വിവാദങ്ങളെല്ലാം മറന്ന് മുന്നോട്ട് പോവുകയും, തന്റെ പ്രവൃത്തിയിൽ ഹർഭജൻ മാപ്പ് പറയുകയും ചെയ്തിരുന്നു. എന്നാൽ, അടുത്തിടെ പുറത്തുവന്ന പരസ്യം പഴയ മുറിവുകൾ വീണ്ടും തുറക്കാൻ കാരണമായി. ഈ പരസ്യത്തിൽ അഭിനയിക്കാൻ സമ്മതിച്ചതിന് ഹർഭജനെ ശ്രീശാന്ത് കടുത്ത ഭാഷയിൽ വിമർശിച്ചിരുന്നു.

ഇതൊരു തുറന്ന വെല്ലുവിളിയാണെന്നും ഭാജി പായെ വെല്ലുവിളിക്കുന്നുവെന്നും ശ്രീശാന്ത് കൂട്ടിച്ചേർത്തു. ഈ സ്ലാപ്ഗേറ്റ് സംഭവത്തിൽ ഹർഭജന് ഇത്രയധികം പ്രശ്നമുണ്ടായിരുന്നിട്ടും അതിൽ നിന്ന് അദ്ദേഹം ഒരുപാട് പണം സമ്പാദിക്കുന്നുണ്ടെങ്കിൽ, തങ്ങൾക്കും അതിൽ നിന്ന് എന്തെങ്കിലും സമ്പാദിക്കാൻ അവസരം നൽകണമെന്നും അദ്ദേഹം ആവശ്യപ്പെട്ടു. ഹർഭജൻ റിംഗിലേക്ക് വരണമെന്നത് തന്റെ ഹൃദയത്തിൽ നിന്നുള്ള അഭ്യർത്ഥനയാണെന്നും, അല്പമെങ്കിലും ആത്മാഭിമാനമുണ്ടെങ്കിൽ എല്ലാ മലയാളിളികൾക്കും സർദാർമാർക്കും വേണ്ടി ദയവായി വരണമെന്നും താൻ കാത്തിരിക്കുകയാണെന്നും ശ്രീശാന്ത് പറഞ്ഞു.