പുരുഷ ഹോക്കി ലോകകപ്പിന്റെ സെമി ഫൈനൽ പ്രതീക്ഷകൾ നിലനിർത്താൻ വൻ വിജയ ലക്ഷ്യവുമായി ഇറങ്ങിയ ഇന്ത്യൻ പുരുഷ ഹോക്കി ടീം അർജന്റീനയോട് 5-3ന് തോറ്റ് പുറത്തായി. അർജന്റീനയ്ക്കായി തോമസ് ഡൊമെനെയും ജോവാക്വിൻ ടോസ്കാനിയും രണ്ട് ഗോൾ വീതം നേടി മിന്നുന്ന പ്രകടനം കാഴ്ചവെച്ചു. പൂൾ ഇ മത്സരത്തിൽ മൂന്നോ അതിലധികമോ ഗോളുകളുടെ വ്യത്യാസത്തിൽ ജയിച്ചാൽ മാത്രമേ ഇന്ത്യക്ക് മുന്നോട്ട് പോകാൻ സാധിക്കുമായിരുന്നുള്ളൂ. എന്നാൽ തുടക്കം മുതൽ ആക്രമിച്ചു കളിച്ച അർജന്റീനയ്ക്ക് മുന്നിൽ പ്രതിരോധ നിരയുടെ പിഴവുകൾ ഇന്ത്യക്ക് തിരിച്ചടിയായി.