മത്സരത്തിന്റെ 5, 13 മിനിറ്റുകളിൽ ലഭിച്ച പെനാൽറ്റി കോർണറുകൾ കൃത്യമായി ലക്ഷ്യത്തിലെത്തിച്ചാണ് ഹർമൻപ്രീത് സിങ് ഇന്ത്യക്കായി ഇരട്ട ഗോളുകൾ നേടിയത്. തുടർന്ന് 23-ാം മിനിറ്റിൽ സുഖ്ജീത് സിങ് ഒരു ഫീൽഡ് ഗോളിലൂടെ ഇന്ത്യയുടെ ലീഡ് ഉയർത്തി. ആവേശകരമായ മത്സരത്തിന്റെ അവസാന നിമിഷം ഫീൽഡ് പ്ലേയിലൂടെ അഭിഷേക് ഇന്ത്യക്കായി വിജയഗോൾ സ്വന്തമാക്കുകയായിരുന്നു. പാകിസ്താനുവേണ്ടി അബു മഹ്മൂദ് (30-ാം മിനിറ്റ്), ഹന്നൻ ഷാഹിദ് (45-ാം മിനിറ്റ്), വഹിദ് റാണ (49-ാം മിനിറ്റ്) എന്നിവരാണ് ഗോളുകൾ നേടിയത്.

ശനിയാഴ്ച നടക്കുന്ന ഫൈനൽ മത്സരത്തിൽ ദക്ഷിണ കൊറിയയും മലേഷ്യയും തമ്മിലുള്ള രണ്ടാം സെമിഫൈനലിലെ വിജയികളെ ഇന്ത്യ നേരിടും.